22-ամյա որդին դանակով հարվածել է հոր պարանոցին, կրծքավանդակին, ապա՝ աղյուսով հարվածել գլխին. սպանության մանրամասները

ՀՀ Քննչական կոմիտեի Սյունիքի մարզային քննչական վարչության Սիսիանի քննչական բաժնում ավարտվել է Բռնակոթում տեղի ունեցած սպանության դեպքի առթիվ հարուցված քրեական գործի նախաքննությունը: Մեղադրանք է առաջադրվել տուժողի 22-ամյա որդուն: Այս մասին հայտնում է Քննչական կոմիտեի տեղեկատվական բաժինը: 

ՔԿ-ն ավելի վաղ հայտնել էր, որ 2019թ. հունվարի 6-ին՝ ժամը 17:00-ի սահմաններում,Սյունիքի մարզի Սիսիան համայնքի Բռնակոթ բնակավայրի տներից մեկում տեղի է ունեցել սպանություն:

Նախաքննությամբ պարզվել են սպանության դեպքի մի շարք հանգամանքներ, շարժառիթը:

Մինչդատական վարույթում ձեռք բերված տվյալների համաձայն՝ դեպքի օրը՝ 2019 թվականի հունվարի 6-ին՝ ժամը 17:00-ի սահմաններում, կենցաղային հարցերի շուրջ վիճաբանություն է ծագել 1997 թվականին ծնված երիտասարդի և վերջինիս 51-ամյա հոր միջև, որի ժամանակ էլ երիտասարդը խոհանոցային դանակով վնասվածքներ է հասցրել հոր պարանոցին և դեմքին, այնուհետև վառարանին դրված աղյուսով երկու անգամ հարվածել գլխին, որից հետո մեկ այլ խոհանոցային դանակով մի քանի անգամ հարվածել նաև կրծքավանդակին:

Առավել մանրամասն՝ tert.am կայքում: