43 ոստիկան և 17 ցուցարար է վիրավորվել Բելգրադում գիշերային անկարգությունների արդյունքում

Առնվազն 43 ոստիկան և 17 ցուցարար է վիրավորվել Բելգրադում գիշերային անկարգությունների ընթացքում: Անկարգությունները ծայր են առել կորոնավիրուսով վարակման դեպքերի թվի աճի կապակցությամբ մայրաքաղաքում պարետային ժամեր կիրառելու կապակցությամբ։

«Ոստիկանությունը կարողացել է վերահսկողության տակ առնել անկարգությունները, որոնք շարունակվել են մի քանի ժամ։ Լուրջ վնասվածք է ստացել ոստիկանության 43 ծառայող: Վնասվածքներ կան նաև ցուցարարների շրջանում․ մեր տվյալներով՝ 17 ցուցարար է վիրավորվել: Բողոքի ակցիայի մասնակիցները փորձել են ներխուժել խորհրդարանի շենք, ինչն անընդունելի է։ Ոստիկանությունն այստեղ է Սերբիայի քաղաքացիների իրավունքներն ու կյանքը պաշտպանելու համար: Ձերբակալվել է 23 խուլիգան»,- RTS ազգային հեռուստատեսության եթերում հայտարարել է մայրաքաղաքային ոստիկանության տնօրեն Վլադիմիր Ռեբիչը:

Ռեբիչը նշել է, որ բողոքի ցույցն ինքնաբուխ էր, ոստիկանությունը պատրաստ չէր իրադարձությունների նման զարգացմանը, ուստի ստիպված էի իրադարձությունների զարգացմանը զուգահեռ ուժեր ներգրավել։ Բողոքի ցույցի կազմակերպիչների ինքնությունը պարզվում է մինչդեռ խորհրդարան ներխուժելու հրահրողները, ըստ Ռեբիչի, նախկին պատգամավորներն ու ընդդիմության ակտիվիստներ Դանիել Կնեժեվիչը և Սրջան Նոգոն են, ովքեր օրվա ընթացքում դատարանի առջև կկանգնեն։ մեկ օրվա ընթացքում դատարան են բերվելու: «Ոստիկանությունը երկար ժամանակ իրենց զսպված էր պահում, ուժ սկսել են կիրառել միայն այն բանից հետո, երբ ուժ սկսվեց կիրառվել ոստիկանության նկատմամբ, օգտագործվել են քիմիական նյութեր (արցունքաբեր գազ) և հեծյալ ոստիկանություն: Հրդեհվել է հինգ ոստիկանական ավտոմեքենա, երեք ձի վիրավորվել է, քաղաքը մեծ վնասներ է կրել»,- ասել է Ռեբիչը՝ նշելով, որ բողոքի ցույցերի մասնակիցների նույնականացումը շարունակվում է, բոլորը պատասխանատվության կենթարկվեն:

Սերբիայի վարչապետ Անա Բռնաբիչը խստորեն դատապարտել է գիշերային անկարգությունները Բելգրադում պառլամենտի շենքի առջև՝ վստահեցնելով քաղաքացիներին, որ պետությունը կպաշտպանի օրենքի գերակայությունը: «Ես խստագույնս դատապարտում եմ այն քաղաքական գործիչների վանդալիզմը, ովքեր կանգնած են Սերբիայի խորհրդարան ներխուժելու հետևում, այն պահին, երբ պետությունն ու առողջապահական համակարգը բախվում են կորոնավիրուսի ամենաուժեղ հարվածին համավարակի սկսվելուց ի վեր: Քանի որ նրանք չկարողացան հայտնվել խորհրդարանում ընտրություններից հետո, կրկին ցույց տվեցին իրենց դեմքը՝ քաղաքական միավորներ հավաքելով Երկրորդ համաշխարհային պատերազմից հետո ամենամեծ ճգնաժամում: Պետությունը և դրա բոլոր ինստիտուտները կպաշտպանեն օրենքի գերակայությունը, ինչպես դա արվում է յուրաքանչյուր ժողովրդավարական երկրում»,- հայտարարել է վարչապետը:

Հաղորդվում է, որ ոչ համակարգային ընդդիմության առաջնորդները ևս փորձել են միանալ բողոքի ցույցերին, սակայն ցուցարարների հետ քաշքշուկից հետո լքել են բողոքի ակցիայի անցկացման վայրը։

Երեքշաբթի Սերբիայի նախագահ Ալեքսանդր Վուչիչը հայտարարել էր ուրբաթ երեկոյից մինչև երկուշաբթի առավոտ կորոնավիրուսային համավարակի կապակցությամբ մայրաքաղաքում պարետային ժամ մտցնելու մասին: Բելգրադում, որտեղ ամենածանր համաճարակաբանական իրավիճակն է երկրում, արտակարգ իրավիճակ է հայտարարվել կորոնավիրուսի բռնկման կապակցությամբ:

Չորեքշաբթի առավոտից քաղաքում արգելվել են 5 մարդուց ավել կուտակումները։

Ներկայումս Սերբիայում կորոնավիրուսով վարակման դեպքերի թիվը 16 719 է, մահվան դեպքերի թիվն աճել է մինչև 330, Սերբիայում համավարակի սկզբից ի վեր թեստավորվել է 455 604 մարդ: