Առաջին անգամ Կալիֆորնիայի համալսարանի նախագահ է ընտրվել աֆրոամերիկացի

150 տարվա ընթացքում առաջին անգամ Կալիֆորնիայի համալսարանի նախագահ է ընտրվել աֆրոամերիկացի։ Այս մասին հայտնում է «BBC News»-ը:
Համալսարանը կգլխավորի 69-ամյա Մայքլ Դրեյքը, որն իր պաշտոնավարումը կսկսի օգոստոսից:

Դրեյքից առաջ այս պաշտոնը զբաղեցնում էր Արիզոնայի նախկին նահանգապետ Ջանեթ Նապոլիտանոն՝ համալսարանի առաջին կին նախագահը, որը նշանակվել էր այս պաշտոնում 2013 թվականին:

Ըստ Նապոլիտանոյի՝ Դրեյքի նշանակումն այս պաշտոնում հաջորդ քայլն է համալսարանի ջանքերում՝ հավաստիացնելու, որ այն արտացոլում է մեր աշխատակազմի հարուստ բազմազանությունը»:

Կրթությամբ բժիշկ Դրեյքը նախկինում ևս բարձր պաշտոններ է զբաղեցրել համալսարաններում:

Դրեյքի վերջին նշանակումն Օհայոյի համալսարանի նախագահի պաշտոնն էր 2014 թվականին, որը նա լքեց իր նոր նշանակումից մեկ շաբաթ առաջ: