Գազի արտահոսք՝ հրդեհի բռնկմամբ

Հուլիսի 28-ին, ժամը 20:02-ին Ճգնաժամային կառավարման ազգային կենտրոն ահազանգ է ստացվել, որ Երևանի Ծարավ Աղբյուրի փողոցի թիվ 55/5 շենքի բակում գազի բալոնից տեղի է ունեցել արտահոսք՝ հրդեհի բռնկմամբ:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մարվել է ժամը 20:12-ին: Այրվել է 3 կիլոգրամանոց բալոնից արտահոսած գազը:

Փրկարարները գազի բալոնը տեղափոխել են անվտանգ տարածք: